لندن ۔ 10 جولائی (اے پی پی) وزیر خارجہ مخدوم شاہ محمود قریشی آکھیا جو پاکستان تجارت،سرمایہ کاری ،تخلیق اتے رابطے تے یقین رکھیندے،اساڈی پالیسیاں دا محور عوام ہن اتے اساں خطے اچ امن چاہندوں،پاکستان اچ ڈوجھے اسلامی ملکاں دے مقابلے حقیقی جمہوریت اے ،سی پیک علاقائی تری،شرح نمو اچ ودھارے اتے خوشحالی دا مثالی پلیٹ فارم ڈیندے،سی پیک روٹ نال خصوصی اقتصادی زونز اچ دولت مشترکہ دی سانجھے داری دا خیر مقدم کریسوں،اساں ڈے تریمتیں دی عفت تے ناموس دی حفاظت سانگے چنگے قانون ہن ،2008ءاچ دولت مشترکہ دی رکنیت دی بحالی تے پاکستان بہوں چنگے اتے دیر پا اقدامات کیتن۔اے گالھیں انہاں بدھ کوں لندن اچا دولت مشترکہ دے وزراءخارجہ اجلاس نال خطاب کریندیں ہوئیں آکھی۔ وزیرخارجہ آکھیا جو ایں اجلاس دے نتیجے اچ کامن ویلتھ گیمز کوں بیا چنگا،نتیجہ خیز اتے فعال بنڑاونڑ اچ مدد ملسی،2008ءاچ دولت مشترکہ دی رکنیت دی بحالی تے پاکستان بہوں چنگے اتے دیر پا اقدامات کیتن،جولائی 2018ءاچ پاکستان اچ تریجھے جنرل الیکشنز کیتے گئن،انہاں انتخابات کوں یورپی یونین اتے کامن ویلتھ دے مانیٹرز آزادانہ اتے شفاف آکھیے۔اقلیتاں بارے وزیرخارجہ آکھیا جو اساں اقلیتاں دی نمائندگی کوں یقینی بنڑاونڑ سانگے پنج فیصد خصوصی کوٹہ رکھیے۔پاکستان 2.7 ملین افغان مہاجرین کو ں پناہ ڈتی ہوئی اے جیڑھی جو مہاجرین بارے دنیا اچ بہوں وڈا نمبر اے۔
پاکستان تجارت،سرمایہ کاری ،تخلیق اتے رابطے تے یقین رکھیندے،اساڈی پالیسیاں دا محور عوام ہن اتے اساں خطے اچ امن چاہندوں، ،وزیر خارجہ مخدوم شاہ محمود قریشی دا دولت مشترکہ دے وزراءخارجہ اجلاس نال خطاب
مضمون کا ماخذ : مصری ڈریمز ڈیلکس
متعلقہ مضامین
