اسلام آباد،یکم ستمبر(اے پی پی) صدر مملکت آصف علی زرداری آکھیے اساں غیر قانونی طور تے بھارتی زیرِ تسلط جموں و کشمیر دے مظلوم ??وام دے حقوق سانڳے عظیم کشمیری رہنما، سید علی شاہ گیلانی دی جراتمندانہ جدوجہد کوں خراج عقیدت پیش کریندوں ۔ او ݙھاکیں تئیں امید تے مزاحمت دا چراغ بݨیے رہیے تے بے شمار کشمیریاں کوں خودارادیت دی جدو جہد اچ ثابت قدم رہݨ دا حوصلہ ݙتا۔ کشمیری عوام دے جائز مقصد سانڳے انھاں دی انتھک محنت اتے قربانیاں ساݙے دل و دماغ اچ ہمیشہ نقش رہسن ۔ایوان صدر دے پریس ونگ ??وں جار?? بیان موجب اے ڳالھ صدر مملکت آصف علی زرداری کشمیری حریت رہنما سید علی شاہ گیلانی دے تریجھے ورھیݨے تے آپݨے سنھیے اچ آکھی اے ۔ صدر مملکت آکھیےسید علی شاہ گیلانی ھک عظیم رہنما ہن تے جموں تے کشمیر دے عوام دے حق خودارادیت سانڳے انھاں دا عزم غیر متزلزل ہئی ۔ قابض بھارتی افواج دی طرفوں نظر بن??ی اتے قید و بن?? دیاں صعوبتاں دے باوجود، او مقبوضہ جموں وکشمیر دے عوام سانڳے آواز چیندے رہیے ۔ قید و بن?? سودھے انھاں دی ذاتی مشکلات انھاں دے عزم کوں کچا نہ کرسڳیاں تے نہ ہی او آپݨے مشن ??وں پچھوں ہٹیے ، گیلانی صاحب ہمیشہ اپݨی توجہ حتمی مقصد تے رکھی تے کݙاہیں وی کشمیری عوام کوں انھاں دے بنیادی حق خودارادیت دی جدو جہد ??وں ہٹݨ نی ݙتا ۔ سید علی شاہ گیلانی دا ورثہ ھک طاقتور محرک اے جیڑھا اڄ وی کشمیری عوام کوں تحریک ݙیندے۔ انھاں دی قیادت اتے جبر دے خلاف ثابت قدمی مقبوضہ جموں وکشمیر دی عوام تے گھاٹے نقش چھوڑئن ۔ صدر مملکت آکھیے اڄ اساں اے عہد کریندوں جو سید علی شاہ گیلانی اتے بے شمار ٻئے لوکاں دیاں قربانیاں کوں ضائع نہ ونڄݨ ݙیسوں ۔ اساں اقوام متحدہ دی سلامتی کونسل دی قرارداداں موجب مقبوضہ جموں و کشمیر دے عوام دے حق خودارادیت گھنݨ سانڳے آپݨی جدو جہد جاری رکھیسوں ۔ میں اپݨے کشمیری بھراویں تے بھیݨاں کوں یقین ݙوینداں جو پاکستان انھاں دی جائز جدوجہد سانڳے آپݨی اخلاقی، سفارتی، تے سیاسی حمایت جاری رکھیسی- آصف علی زرداری آکھیے اساکوں سید علی شاہ گیلانی دی مثالی بہادری اتے آزادی و انصاف دے اصولاں ??وں انھاں دی غیر متزلزل وابستگی ??وں سبق سکھݨا چاہیدے انھاں دعا کیتی جو اللہ تعالیٰ سید علی شاہ گیلانی تے آپݨیاں رحمتیں نازل فرماوے۔ آمین
