اسلام آباد ۔ 24 اکتوبر (اے پی پی) وزیر اعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیا جو وزیراعظم عمران خان یکا قانون اتے آئین دی بالادستی اتے اداریاں دی مضبوطی دا عزم دہرائے،ایمرجنسی اتے زندگی کوں لاحق خطرات دی تشخیص ماہرین صحت کرنڑی اے،محمد نواز شریف بارے عدالت جیڑھا فیصلہ کریسی حکومت اوں تے من و عن عمل کریسی،کوئی وی فیصلہ کہیں شخصیت دی خواہشات دے تابع کائنی ہوندا،گزریل 72سالیں اچ اداریاں کوں کمزور اتے تابع رکھیا گے،نواز شریف دے پلیٹ لیٹس20ہزار تئیں آ گئن اتے ہر آندے ڈینھ بہتری امسی،صحت مند نواز شریف اساں ساریاں سانگے اہم اے،ہنڑ مسلم لیگ ن نواز شریف دی بیماری دی آڑ اچ حکومت تے تنقید دی بجائے کوئی بیا ذریعہ گولے۔او خمیس کوں ایم ڈی بیت المال عون عباس بپی دے رلے میڈیا کوں بریفنگ ڈیندی پی ہن۔انہاں آکھیا جو پاکستان بیت المال ڈکھی انسانیت کوں تحفظ ڈیونڑ دا اہم ادارہ اے،وزیراعظم بیت المال دا دائرہ احساس پروگرام تئیں ودھائے،وزیراعظم عوامی فائدے دے رستے اچ رکاوٹاں کوں دور کریندے پن۔انہاں آکھیا جو اج دنیا اچ جنگاں سرحداں تے نی معاشی پڑ اچ لڑی ویندی پن،ملکی ترقی سانگے تریمتیں کوں بااختیار بنڑاونڑ بہوں ضروری اے۔ایم ڈی بیت المال عون عباس بپی آکھیا جو پاکستان بیت المال اچ تریمتیں کوں ہنر مند بنڑاونڑ سانگے بنڑے سنٹرز دی استعدادکار ودھیندے پیوں،ہر سال28ہزار تریمتیں کوں ہنرمند بنڑاونڑ سانگے مختلف کورسز کرائے ویسن،آندے سال بے 100تریمتیں دے سنٹرز بنڑیندے پیوں۔
محمد نواز شریف بارے عدالت جیڑھا فیصلہ کریسی حکومت اوں تے من و عن عمل کریسی، ،وزیر اعظم دی معاون خصوصی برائے اطلاعات تے نشریات ڈاکٹر فردوس عاشق اعوان دی ایم ڈی بیت المال عون عباس بپی دے رلے میڈیا کوں بریفنگ
مضمون کا ماخذ : bolão lotofácil
متعلقہ مضامین
