اسلام آباد ۔ 20 جنوری (اے پی پی) وزیراعظم عمرا ن خان عام بندے کوں ریلیف ڈیونڑ تے چھوٹے کاروبار کوں سوکھا کرنڑ دے حوالے نال وڈا فیصلہ کریندے ہوئیں ہدایت کیتی اے جو لائسنسنگ دا طریقہ کار سوکھا تے خود کار نظام متعارف کرایا ونجے ، صوبائی حکومتاں 74 مختلف قسم دے لائسنسز وختی ختم کرن تے تاں جو عام بندہ سوکھیں چھوٹا کاروبار شروع کرسگے ۔ وزیر اعظم میڈیا آفس توں جاری بیان دے مطابق وزیر اعظم عمران خان دی زیر صدارت اجلاس اچ عام بندے کوں ریلیف ڈیونڑ تے چھوٹے کاروبار کوں سوکھا کرنڑ کیتے وزیراعظم وڈا فیصلہ کریندے ہوئیں لوکل گورنمنٹ دی سطح تے مختلف کاروباری سرگرمیاں کیتے درکار ڈیڑھ سو دے نیڑے مختلف لائسنز دے نظام کوں ختم کرنڑ تے ضروری لائنسز کیتے طریقہ کار سوکھا بنڑاونڑ تے جدید ٹیکنالوجی کوں استعمال اچ گھن آندے ہوئیں خود کار نظام متعارف کراونڑ دی ہدایت کیتی اے ۔ وزیر اعظم صوبائی حکومتاں کوں 74 مختلف قسم دے لائسنسز ختم کرنڑ دی وی ہدایت کیتی۔ صوبیں اچ لائسنسنگ رجیم دے حوالے نال اجلاس اچ وزیر اعظم کوں ڈسایا گیا جو موجودہ نظام اچ مختلف میٹروپولیٹن کارپوریشنز، میونسپل کارپوریشنز، ٹاون کمیٹیاں تے بئے اداریں ولوں کاروبار کیتے گھٹ توں گھٹ 150قسم دے مختلف لائسنسز درکار ہوندن۔ایں نظام اچ کرپشن، رشوت اتے چھوٹے کاروبار کرنڑ آلے لوکاں کو ہراساں کیتے ونجنڑ آلے لوکاں دی شکایت عام اے ۔ وزیر اعظم اوکھے لائسنسگ رجیم پر اپنڑی شدید تشویش دا اظہار کریندے ہوئیں آکھیا جو کریانہ، کلاتھ، کلچہ شاپ وغیرہ جیہوجے چھوٹے کاروبار کےتے لائسنس دی شرط عام بندے کیتے اوکھ پیدا کرنڑ دے مترادف اے ایجھے 74 قسم دے غیر ضروری لائسنساں دی شرط کوں وختی مکایا ونجے ۔ وزیر اعظم ہدایت کیتی جو ایجھے کاروبار جتھاں انسپیکشن وغیرہ درکار اے اتھاں جدید ٹیکنالوجی کوں بروے کار گھن آتے خود کار نظام بنڑایا ونجے تاں جو جتھاں اے نظام سوکھا تھیوے اتھاں کرپشن ، رشوت خوری اتے حراساں کرنڑ دی روش دا خاتمہ کیتا ونج سگے ۔وزیراعظم ہدایت کیتی جو غیر ضروری لائسنس ختم کرنڑ دا عمل 30 ڈینھ اچ مکمل کیتا ونجے ۔
وزیراعظم دی عام بندے کوں ریلیف ڈیونڑ تے چھوٹے کاروبار کیتے سوکھ ڈیونڑ دے حوالے نال لائسنسنگ دا طریقہ کار سوکھا کرنڑ تے خود کار نظام متعارف کراونڑ دی ہدایت
مضمون کا ماخذ : لکی لیپریچون
متعلقہ مضامین
