سلام آباد۔17نومبر(اے پی پی)پارلیمنٹ انتخابی ایکٹ 2017ء اچ ٻئی ترمیم دا بل انتخابات ترمیم ݙوڄھا بل 2021ء اکثریت نال منظور کر ڳھدے۔ اپوزیشن اپݨیاں ساریاں ترامیم مسترد تھیوݨ تے واک آئوٹ کیتے۔ ایں بل دے منظور تھیوݨ نال عام انتخابات اچ الیکٹرانک ووٹنگ مشیناں استعمال تھیسن اتے پاکستانی تارکین وطن کوں ووٹ دا حق مل سڳسی۔ پارلیمنٹ دے مشترکہ اجلاس اچ ڈاکٹر بابر اعوان انتخابی ایکٹ 2017ء اچ ٻئی ترمیم دا بل انتخابات ترمیم ݙوڄھا بل 2021ء دستور دے آرٹیکل 70 دی شق (3) دے تحت فوری زیر غور ڳھن آوݨ دی تحریک پیش کیتی جیندی ایوان منظوری ݙتی اتے بعد اچ ایوان توں بل دی شق وار منظوری ڳھدی ڳئی۔ ??ق 2 تے اپوزیشن رکن محسن داوڑ ترمیم پیش کیتی جیندی ڈاکٹر بابراعوان مخالفت کریندے آکھیا جو اے بل پراݨا اے اتے سینیٹ اچ پہلے ہی زیر غور رہے، اے ایندے اچ دیر چاہندن اتے اے ترمیم غیر ضروری اے۔ ایوان اے ترمیم مسترد کرݙتی۔ ??یں توں پہلے اپوزیشن انتخابات ترمیم ݙوڄھا بل 2021ء دی تحریک کوں چیلنج کیتا ج??ندے تے ووٹنگ کرائی گئی تاں تحریک دے حق اچ 221 اتے مخالفت اچ 203 ووٹ آئن اتے اے تحریک منظور کرڳھدی گئی۔ ??پوزیشن ایوان اچ شور مچایا اتے سپیکر ڈائس کوں گھیر ڳھدے۔ مشیر پارلیمانی ام??ر ڈاکٹر بابر اعوان ݙوڄھی ترمیم پیش کیتی، جیکوں ایوان کثرت رائے نال منظور کیتے۔ شق (3) اچ ترائے ترامیم ??ن۔ بابر اعوان ایندے تے اپݨی ترمیم پیش کیتی جیڑھی منظور کرڳھدی گئی۔ ??یں موقع تے ڈاکٹر بابراعوان انتخابات ایکٹ 2017ء اچ ٻئی ترمیم دا بل انتخابات ترمیم ݙوڄھا بل 2021ء منظوری کیتے پیش کیتا ج??ندی ایوان کثرت رائے نال منظوری ݙتی۔ ??ل موجب پاکستانی تارکین وطن کوں ووٹ دا حق ݙیوݨ کیتے الیکشن کمیشن نادرا اتے ٻیاں ایجنسیاں دی تکنیکی مدد ڳھن سڳسی اتے الیکٹرانک ووٹنگ مشیناں وی ڳھدیاں ونڄ سڳسن۔
پارلیمنٹ اچ انتخابی ایکٹ 2017ء اچ ٻئی ترمیم دا بل انتخابات ترمیم ݙوڄھا بل 2021ء اکثریت نال منظور
مضمون کا ماخذ : میگا سینا پریمیو
متعلقہ مضامین
