سیالکوٹ۔30نومبر(اے پی پی) وزیر دفاع خواجہ محمد آصف آکھیے پی ٹی آئی لاشاں تے کورا پروپیگنڈہ کریندی پئی اے ، پی ٹی آئی ہمیشہ انتشار دی سیاست کیتی اے ،اساکوں آپݨے دشمناں دے ناپاک عزائم کوں مٹی اچ رلاوݨا اے ، موجودہ اتے سابقہ نگران حکومت دے دوراچ وزیراعظم محمد شہباز شریف دی طرفوں چاتے ڳعے اہم تے ٹھوس اقدامات دے مثبت نتیجے برآمد تھیوݨ شروع تھی ڳئن تے وزیراعظم محمد شہباز شریف دیاں کوششاں توں پی آئی اے بہتری آلے پاسے ٹردی پئی اے ، یورپی یونین اتے امریکہ اچ پرواز دی اجازت ملݨ نال پی آئی اے دی بلندیاں دے نویں سفر دا آغاز تھیسی ،اساکوں ملکی معیشت کھنڈرات دی صورت اچ ملی جی??ھی جو اڄ ݙینھ و ݙینھ چنڳی تھیندی پئی اے تے ملک ترقی تے خوشحالی دے رستے تے ٹرپئے جݙاں جو ملکی معیشت دی مکمل بحالی سانڳے اساں وزیراعظم محمد شہباز شریف دی قیادت اچ اپݨے سفر کوں جاری و ساری رکھیا ہویا اے۔ اے ڳا??ھیں انہاں سیالکوٹ اچ آپݨی رہائش گاہ تے ھک پریس کانفرنس اچ آکھی ۔ انہاں آکھیے گزریل ست اٹھ مہینے اچ جی??ھی بہتری آئی اے ایں وچ سابق وفاقی وزیر ہو ا بازی برادرم سعد رفیق دا وی انتہائی اہم کردار رہیے جنہاں اپݨے وزارت ہوا بازی دے دور اچ ٻہوں اہم تے ٹھوس اقدامات چاتن جی?? دے نتیجے اڄ اساکوں ملݨ شروع تھی ڳئن ۔ انہاں آکھیے اے ٻہوں چنڳی ڳا??ھ اے جو ساݙی قومی ائیر لائن پی آئی اے ہݨ ول یورپ اتے امریکہ اچ سفر کرسڳسی جی?? توں پی آئی اے بہتر توں بہتر تھیندی ویسی ، وزیراعظم محمد شہباز شریف اتے سعد رفیق سودھے ٻئے سارے لوک جنہاں ایں نیک کم اچ کوششاں کیتن انہاں ساریں کوں خراج تحسین پیش کرینداں ۔ انہاں آکھیے پی ٹی آئی 24 نومبر کوں جی??ھا کجھ کیتے او سارے ڄاݨدن ،پی ٹی آئی لاشاں تے کوڑا پروپیگنڈہ کریندی پئی اے پی ٹی آئی پولیس اتے رینجرز اہلکاراں کوں شہید کیتا جنہاں دے باقاعدہ جنازے وی پڑھیے ڳئن لیکن پی ٹی آئی اپݨے ورکرز دی لاشاں تے کوڑا پروپیگنڈہ نہ کرے، اساں پولیس اتے رینجرز سودھے سارے شہداء کوں خراج عقیدت پیش کریندوں جنہاں آپݨے وطن عزیز دی خاطر اپݨی جاناں دے نذرانے پیش کرݨ توں وی پچھوں نی ہٹیے جی?? تے اساں پولیس تے رینجرز سودھے سارے شہداء کوں خراج عقیدت پیش کریندوں ۔انہاں آکھیے میں واضح کرݙیواں جو ہݨ خیبرپختونخواہ توں کوئی حملہ آور نہ آسی وݙے ??ݙے دعوے کرݨ آلے پہلی رکاوٹ آوݨ تے میدان چھوڑ تے بھڄ ڳئے ، دنیا دی تاریخ اچ کہیں جنگ اچ ایویں دم دٻا تے بھڄݨ دی مثال نی ملدی ، پی ٹی آئی دا احتجاج سانحہ 9مئی دا پارٹ ٹو ہئی انہاں آکھیے علی امین گنڈا پور اتے بشریٰ بی بی جی?? ط??یق?? نال آپݨے کارکنان کوں چھوڑ تے اتھوں بھڄ ڳئن ایندی ماضی اچ کوئی مثال نی ملدی ، اساں ٻیاں جہیں تے ٻہݨ تے جلسہ کرݨ دی آفرز کیتی لیکن اے بی بی نہ منی کیوں جو عوام دا جم غفیر ݙیکھ تے ایں بی بی دا دماغ خراب تھی ڳیا ہئی لیکن ول وے بجھے تاں پہاڑاں توں تھیندے ہوئیں کے پی کے توں نمودار تھئن ، لطیف کھوسہ سودھے پی ٹی آئی دے ٻئے رہنماء اپݨے شہداء دے مختلف نمبرز ݙسیندے پئن ، پہلے ہزاراں ول سینکڑاں تے ہݨ اے لوک 10 دے فگر تے آڳئن لیکن ول وی کہیں ھک بندے دے جنازے یا ایندے وارثاں دی طرفوں ایں بارے کوئی شہادت نی ملی۔ انہاں آکھیے 24 نومبر اصل اچ 9 مئی ٹو ہئی جی?? کوں ساݙے دفاعی اداریں ناکام بݨائے ھک سوال دے جواب اچ انہاں آکھی پہلے وی علی امین گنڈا پور اسلحہ گھن تے آئے ھک ٻئے سوال دے جواب اچ انہاں آکھیے ملک سانڳے ساریاں سیاسی جماعتاں کوں ھک پیج تے ٻہݨا چاہیدے۔
