اسلام آباد ۔ 17 نومبر (اے پی پی) وزیراعظم دے معاون خصوصی شہزاد اکبر اتے اٹارنی جنرل انور منصور خان لاہور ہائی کورٹ دے حکومتی فیصلے دی جیت اتے توثیق قرار ڈیندے آکھیے جوعدالت کابینہ دے فیصلے دی تائید کیتی اے،انڈیمنٹی مستردکرنڑدی بجائے صرف معطل کیتی اے اتے ڈوہیں بھراواں کولوں ولنڑکیتے حلف گھدے جیندے بعدنوازشریف نہ ولیے تاں او حکومت ہی نئیں عدالت دی وی مجرم ہوسن۔پریس کانفرنس اچ انہاں آکھیے جو قانون دے مطابق کہیں وی سزا یافتہ شخس دا ناں ای سی ایل توں نئیں کڈھیا ونج سگدابھل کابینہ انسانی بنیاداں تے نوازشریف کوں اجازت ڈتی ہئی جو اوبیرون ملک علاج کر سگدن۔ انہاں آکھیے جو عدالت عبوری حکم اچ حکومتی شرائط برقرار رکھین بھل ایکوں چیلنج کرنڑبارے فیصلہ کابینہ کریسی۔انہاں آکھیا جوکابینہ دے اقدامات دا مقصدنوازشریف دی وطن واپسی یقینی بنڑاونڑ ہئی کیوں جو انہاں دے ٹریک ریکارڈپاروں سپریم کورٹ وی فیصلہ ڈی چکی اے جو نوازشریف صادق اتے امین نئیں رہیے، انہاں دے ڈوہیں پتر،سمدھی،بھرا اتے جوانترا وی مفرورہین،کابینہ صرف شہبازشریف توں انڈیمنٹی منگی ہئی بھل عدالت نواز شریف توں وی انڈرٹیکنگ گھدی اے جیہڑی انڈیمنٹی توں وی ودھ موثر اے۔ایں موقع تے اٹارنی جنرل انور منصور خان آکھیے جو عدالت اے اجازت صرف ہک واری کیتے ڈتی اے،عدالت کوں اعتبار نا ہا تہوں بیان حلفی گھدا گئے اتے قابل اعتماد رپورٹس دی ہائی کمیشن توں تصدیق دی شرط لائی اے جڈاں جو عدالت بئے پنج سوال وی ڈتن اتے واضح اے جو ایندے اچ عدم اعتماد،ہائی کورٹ دی حدود، اتھارٹی اتے توہین عدالت دا معاملہ وی موجوداے،انڈیمنٹی بانڈ نہ من تے حلف ڈیونڑ توں بعد ڈوہیں بھراواں اپنڑے آپ کوں عدالت دے اگو گروی رکھ ڈتے۔عدالت واضح حکم ڈتے جو بانڈ حالی معطل کیتا ویندے بھل ایکوں بعد اچ سنڑیا ویسی جیہڑااصولی طورتے کابینہ دے موقف دی جیت اتے تائید اے۔
لاہور ہائی کورٹ دا فیصلہ حکومتی فیصلے دی توثیق اے،معاون خصوصی احتساب بیرسٹر شہزاد اکبردی اٹارنی جنرل انور منصوردے رلے پریس کانفرنس
مضمون کا ماخذ : sorteos da loteria
متعلقہ مضامین
