لاہور۔ 18 دسمبر (اے پی پی)پنجاب دے مختلف علاقیں اچ ودھ ساری کوہیڑ پاروں موٹر وے پولیس خانیوال توں ملتان موٹر وے ہر قسم دی ٹریفک کیتے عارضی طور تے بند کرڈتی اے ، نجی ٹی وی چینل دے مطابق فیصل آباد اچ ودھ ساری کوہیڑ پاروں پروازاں دا شیڈول متاثر تھئے تے قومی شاہراواں تے کوہیڑ پاروں سفر بہوں اوکھا تے خطرناک تھی گے ۔ قومی شاہراہ لاہور، ٹھوکر نیاز بیگ، چوہنگ، مو ہلنوال، سندر، مراکہ اتے مانگا ہ منڈی، پھولنگر، پتوکی، پھول نگر سمیت بئے علاقے ودھ ساری کوہیڑ دی وکیڑ اچ ہن ۔ ترجمان موٹروے دے مطابق قومی شاہراہ تے حد نگاہ 10میٹر رہ گی اے۔ گجرانوالہ، سرگودھا، سیالکوٹ، جھنگ، فیصل آباد،ساہیوال،رینالہ ،اوکاڑہ، ساہیوال ، میاں چنوں خانیوال، ملتان، وستی ملوک ، لودھراں تے بہاولپور ،گجرات، پاکپتن ، جلالپور، بھٹیاں ، پھالیہ ، فورٹ عباس،دادو،خیرپور، ناتھن شاہ، میہڑ اتے مضافاتی علاقے کوہیڑ دی وکیڑ اچ ہن ۔ شکر گڑھ اتے نیڑے کوہیڑ پاروں حد نگا گھٹ تھی گئی اے۔ موٹر وے پولیس جاری اعلامیے اچ ڈرائیور حضرات کوں ہدایت کیتی اے جو سفر کریندے ہوئیں احتیاط کرن کیوں جو قومی شاہراہواں تے مختلف علاقیں اچ حد نگاہ بہوں گھٹ رہ گئی اے او سفر کریندے ہوئیں فوگ لائٹاں دا استعمال کرن تے غیر ضروری سفر نہ کیتا ونجے ۔ ترجمان موٹر وے پولیس ہدایت جاری کیتی اے جو شہری معلومات تے مدد کیتے ہیلپ لائن 130تے رابطہ کرن ۔
ودھ ساری کوہیڑ پاروں خانیوال توں ملتان تئیں موٹروے ہرقسم دی ٹریفک کیتے عارضی طور تے بند
مضمون کا ماخذ : میگا فارچیون
متعلقہ مضامین
