اسلام آباد ۔ 18 جولائی (اے پی پی) وفاقی وزیر منصوبہ بندی، ترقی تے اصلاحات مخدوم خسرو بختیار فاقی وزیر ریلوے شیخ رشید احمد نال خمیس کوں ملاقات کیتی۔ایں دوران گالھ مہاڑ کریندے ہوئیں خسرو بختیار آکھیا جو حکومت ریلوے انفراسٹرکچر دی بحالی، اپ گریڈیشن اتے لوکیں کوں معیاری سفری سہولتاں ڈیونڑ سانگے پرعزم ہے، ایم ایل ون منصوبے تے تکھے کم کیتا ویسی ،جیندی مدد نال ریل گاڈیاں دی رفتار اتے معیار چنگا تھیسی۔ملاقات اچ سیکریٹری پلاننگ ظفر حسن، سیکرٹری ریلویز اتے ڈوہائیں وزارتاں دے اعلیٰ حکام شریک ہن۔ وفاقی وزیر منصوبہ بندی آکھیا جو ایم ایل ون بہوں اہم منصوبہ ہے اتے ایہ منصوبہ سی ڈی ڈبلیو پی کجھ شرطاں دے نال منظور کیتا ہا ۔ ملاقات اچ منصوبے دے مستقبل دے لائحہ عمل تے وی گالھ مہاڑ کیتی ۔ایں موقع تے وفاقی وزیر ریلوے شیخ رشید احمد آکھیا جو ریلوے دے نظام کوں چنگابناونڑ سانگے اقدامات کیتے ویندے پن،جیندے اچ لوکیں کوں معیاری سفری سہولتاں ڈیونڑ، ریلوے انجناں دی اپ گریڈیشن اتے نویاں ریل گاڈیاںشروع کرنڑ شامل ہے۔ اجلاس اچ ریلویز توں متعلق مختلف منصوبیں تے وی گالھ مہاڑ کیتی گی۔
وفاقی وزیر مخدوم خسرو بختیاردی وفاقی وزیر ریلوے شیخ رشید احمد نال ملاقات اچ گالھ مہاڑ
مضمون کا ماخذ : اسکریچ کارڈ پاکستان
متعلقہ مضامین
