اسلام آباد۔23مارچ (اے پی پی) صدر ډاكټر عارف علوي د يوم پاكستان په موقع ټول اولس ته مباركي وركولو سره وئيلي دي په كال 1940 كښې په دې ورځ د برصغير مسلمانانو قرارداد پاكستان منظور كړے او د يو جلا هېواد غوښتنه يۍ كړې وه چرته چې هغوي د اسلامي نظريات له مخې خپل ژوند تېر كړے شي۔ صدر مملكت د يوم پاكستان 23 مارچ 2023 په موقع د اولس په نامه خپل پېغام كښې ووئيل نن مونږ د پاكستان هغه مؤسسينو د كومو د خوارۍ او قربانۍ په نتتيجه كښې چې زمونږ هېواد جوړ شوے ته د عقيدت پېرزوئنې وړاندې كوؤ۔ ده ووئيل په هند كښې په اقليتونو او په خاص توګه په مسلمانانو روان تشدد د دې خبرې ښكاره ثبوت دے چې د دغه وخت مسلمانانو مشرانو پرېكړه په اوښيارتيا او زيركتيا اډانه وه۔ ډاکټر عارف علوی ووئيل دا ورځ مونږ ته د خپلو كاميابو او ناكامونو د جاج اغستو موقع راكوي۔ ده ووئيل د آزادۍ ترلاسه كولو په وخت مونږ د كډوالو بحالۍ ٬ د هېواد انتظامي مسئلو او د كشمير مسئلې په څير چېلنجونو سره مخ وو۔د دې چېلنجونو باوجود مونږ د خپلې پرله پسې خوارۍ او قابليت د لارې په هره يوه څانګه كښې په زړه پورې كاميابۍ ترلاسه كړې۔ ده ووئيل مونږ ریاستی ادارې جوړې كړې ٬ خپله دفاع مو مضبوطه كړه٬ جوهري صلاحيت مو ترلاسه كړے٬ په ترهګرۍ او كورونا وائرس مو قابو وموندلو او د قدرتي آفتونو په مهال مو د قربانۍ او د مرستې د جذبې څرګندونه كړې ۔ صدر مملكت ووئيل مونږ له به د قانون حكمرانۍ ٬ د جمهوريت مضبوطولو ٬ خپله ټولنه كښې عدم مساوات كمولو ٬ مېرمنې خپلواكه كولو ٬ خصوصي وګړو ته د هغوي حقونه وركولو ٬ د ترهګرۍ او انتها خوښۍ ختمولو ٬ د خپلو وګړو تحفظ له او په هېواد كښې سياسي او معاشي استحكام باوري كولو له زيات كار كول وي۔ ده ووئيل د تېرو وخت كاميابۍ ترمخه پوخ باور لرم چې مونږ پاكستان ته په پېښو چېلنجونو د قابو موندلو صلاحيت لرؤ۔ صدر ډاكټر عارف علوي ووئيل كه يو شوو ٬ ايمان او نظم وضبط سره كار وكړؤ نو مونږ پاكستان يو مضبوط او سوكاله هېواد جوړولے شوو۔ ده دعا وكړه پاك پروردګار دې زمونږ د ټولو مرسته وكړي۔
د پاكستان جوړيدو نه پس مو د خپلې پرله پسې خوارۍ او قابليت د لارې په هر څانګه كښې په زړه پورې كاميابۍ ترلاسه كړې ٬ د صدر مملكت د يوم پاكستان په موقع پېغام
مضمون کا ماخذ : پاور بال کے اعدادوشمار
متعلقہ مضامین
